Skip to the content
Хоразм вилоят Соғлиқни сақлаш бошқармасининг 2022 йилнинг 9 августдаги 2/3540 сонли кўрсатма хати ҳамда вилоят ОИТСга қарши кураш марказининг 2022 йилнинг 10 августдаги 119-И сонли буйруғига асосан 2022 йилнинг 9 сентябр куни Хива шаҳар “Нуриллабой” истирохат боғида барча вилоят даволаш профилактика муассасаларининг мутахассислари томонидан Хива шаҳар ва туман аҳоли орасида тиббий кўрик ўтказилди, ушбу тадбирда марказ мутахассислари хам иштирок этиб аҳоли орасида ОИВ инфекцияси/ОИТСни олдини олиш бўйича санитария тарғибот ишлари олиб борилди ва тарқатма материаллар тарқатилди. Ахоли ўртасида 119 та ихтиёрий равишда экспресс тест “аноним” тарзда ОИВга текширилди ва тестдан олдинги ва кейинги маслахатлар берилди.
10.09.2022
Автор
Муҳаррир
ОИТСни келтириб чиқарувчи одамнинг иммунтанқислик вируси (ОИВ)нинг ташқи муҳитга чидамлилиги ҳақида маълумот ОИВ вируси: Қайнатилганда (100°С) вирус 1-2 дақиқадан кейин ўлади, 70° С гача иситганда 10 дақиқадан кейин, 56°С гача иситганда 30 дақиқадан кейин фаоллиги йўқолади. Одатдаги дезинфекцияловчи моддаларнинг эритмалари — 3% водород пероксиди, 5% лизол, 0,5% хлорли дезинфекцияловчи воситалар, 1% глютарал алдегид, 70% этанол, эфир, ацетон вирусни ўлдиради. Вирус, қон топширувчи донордан олинган қон ва музлатилган қон зардобида йиллар давомида сақланади, ташқи муҳитда қуритилган ҳолатда +22 °С ҳароратда 4-6 кунгача сақланиши мумкин.