Шахс ўзида ОИВ инфекцияси бор ёки йўқлигини қандай билса бўлади?

Одамнинг иммунитет танқислиги вируси инсон организмига тушганидан сўнг вирус кўп миқдорда шаклланиб, узоқ вақт мобайнида аста секинлик билан одамнинг иммунитет тизимини “емириши” оқибатида иммунитет ҳужайраларига жиддий зарар етказади, бу жараён касалликнинг «яширин даври» дейилиб, одамда касалликнинг ташқи клиник белгилари номоён бўлмайди, бу давр иммунитет тизими кучига қараб, бир неча ойдан, хатто 5-10 йилгача бўлганлиги сабабли касалликни юқтириб олганлигини аниқлаб бўлмайди.
Шунинг учун ОИВни аниқлаш мақсадида  лаборатория тахлиллари ўтгазилган ҳолда вирусга қарши қонда ишлаб чиқарилган махсус оқсил — антитаначаларни аниқлаш (ИФА, иммуно фермент тахлили) орқали бирламчи ташхис қўйилади, шу усул орқали одамда ОИВ инфекцияси бор ёки йўқлиги аниқланади. ИФА мусбат натижа аниқланса, иммуноблот усулида ОИВ инфекциясини мавжудлигини тасдиқловчи қон тахлиллари ўтказилади.

Ҳар бир шахс ўзида ОИВ юқиши билан боғлиқ шубҳали ҳолатларни сезган тақдирда, ихтиёрий равишда текширувдан ўтишлари мумкин. Бу тиббий кўрик текширувдан ўтаётган шахснинг хоҳишига кўра, махфийликка риоя этилган ҳолда амалга оширилади. ОИВга текшириш натижалари қандай бўлишидан қатъий назар шифокор томонидан сир сақланиши кафолатланади.