Месяц: Май 2024

21.05.2024 0

✅ Оилага, турмуш ўртоғига вафодор бўлиш; ✅ Тиббий муолажалар олиш зарурати туғилганда бир марталик ва стерилланган кўп маротабалик тиббий анжомлардан фойдаланиш; ✅ Гўзаллик салонлари ва сартарошлик хизматларидан фойдаланилганда (татуировка, татуаж, пирсинг, маникюр, педикюр, соч, соқол олдириш ва бошқ.) янги ёки зарарсизлантирилган анжомлар ишлатилаётганлигига эътибор қаратиш; ✅ Шахсий гигиена қоидаларига пухталик билан амал қилиш — индуидувал тиш шеткаси, соқол олиш устарасидан ва тирноқ тозалаш анжомларидан фойдаланиш, ушбу гигиеник воситалардан бошқа шахсларнинг фойдаланишига йўл қўймаслик; ✅ Болаларни хатна (суннат) қилдиришда сартарош усталар хизматидан воз кечиш ҳамда бу мақсадда тиббий муассасаларга мурожаат этиш; ✅ ОИВ юқиши мумкин бўлган ҳолатларга шубҳа қилинганда, касалликнинг оила аъзоларига юқишини олдини олиш мақсадида ўз вақтида тиббий кўрикдан ўтиш ҳамда ОИВни аниқлаш мақсадида қон тахлилларини ўтказиш; ✅ Спиртли ичимликлар ҳамда гиёҳванд моддаларни истеъмол қилиш ОИВ инфекциясининг юқтириб олишга замин яратувчи зарарли одатлар эканлигини бир зумга бўлса-да унутмаслик, соғлом турмуш тарзига қатъий амал қилиш; ✅ Никоҳланувчилар тўйдан олдин белгиланган тартибда тиббий кўрикдан ўтиб, ОИВ инфекциясига қон топшириш орқали текширилишлари зарур. Бу борада лоқайдликка йўл қўйиш саломатлик, оила ва фарзандлар соғлигини хавф остига қўйиш демакдир.

Автор Муҳаррир
20.05.2024 0

📌 Доимий чарчоқни келтириб чиқарувчи 5 сабаб ❇️ Кўп миқдорда углевод истеъмол қилиш. Қонда қанд миқдорининг ошиши меъда ости безига қондаги қанд миқдорини камайтириш учун кўпроқ инсулин ишлаб чиқариши кераклиги ҳақида хабар беради. Ушбу кўтарилиш ва тушиш сизни «чарчатиб қўяди». ❇️ Ҳаракатсиз ҳаёт тарзи. Ҳаракатсизлик ҳам энергиянинг пасайиб кетишига олиб келиши мумкин. ❇️ Уйқунинг етишмаслиги. Уйқунинг етишмаслиги чарчоқнинг энг аниқ сабабларидан биридир. ❇️ Озиқ-овқат маҳсулотларига сезгирлик. Энг кенг тарқалган аллерген маҳсулотлар бу — сут маҳсулотлари, тухум, соя ва маккажўхори. ❇️ Калория миқдори етарли эмас. Сиз кам калорияли маҳсулот истеъмол қилсангиз, метаболизм жараёни энергияни тежаш учун секинлашади, бу эса чарчашга олиб келиши мумкин.

Автор Муҳаррир
17.05.2024 0

2024 йил 16 май куни вилоят ОИТСга қарши курашиш маркази, Хазорасп ТТБ ва Хазорасп туман ички ишлар бўлими билан Ҳамкорликда «Хазорасп универсал савдо комплекси» худудидаги ҳаридорлар ва тадбиркорлар ўртасида акция ўтказилди. Тарғибот гурухи томонидан ОИВ инфекцияси профилактикаси тўғрисида ахоли ўртасида тарғибот ишлари ўтказилди, қатнашчиларга ОИВ инфекцияси профилактикасига доир тарқатма материаллари тарқатилди. Акция давомида ихтиёрий, бепул аноним тарзда ахолини ОИВ инфекцияси, Гепатит Б, С ва Захм касалликларига экспресс тест усулида текширилди, тестдан олдинги ва тестдан кейинги маслахатлар ўтказилди. Касаллик аниқланган шахслар ўз вақтида тегишли мутахассисларга йўналтирилди ва диспансер назоратига олинди. Савдо комплекснинг радиоузелида ОИВ инфекциясини олдини олиш тўғрисида маълумот берилди.

Автор Муҳаррир
15.05.2024 0

15.05.2024й. куни вилоят ОИТСга қарши курашиш маркази томонидан Урганч Буюм бозорида Акция ўтказилди. Акция доирасида аҳоли ўртасида тарғибот ишлари олиб борилди, бозор радиосида ОИВ инфекцияси профилактикаси бўйича радиоэшиттириш қилинди. Мобил лаборатория ёрдамида бозорда аҳолини ОИВ инфекцияси, ВГВ, ВГС ва Заҳм касаллигига бепул, ихтиёрий, аноним тарзда экспресстест усулида текширилди.

Автор Муҳаррир
15.05.2024 0

Хоразм вилоят ОИТСга қарши курашиш маркази УПваЭҚТТЭ бўлими врач методисти Ш.С. Атаханов томонидан 2024 йил 14 май куни ОИВ инфекциясини шифохона ичи инфекцияси сифатида юқишини олдини олиш мақсадида, Урганч шаҳар тиббиёт бирлашмасига карашли 1- сон оилавий поликлиника тиббиёт ходимлари иштирокида ўтказилган йиғилишда Ўзбекистон Республикаси Соғлиқни сақлаш вазирининг 2024-йил 29-февралдаги “Даволаш профилактика муассасаларида ОИВ инфекциясининг шифохона ичи шароитида тарқалиш ҳолатларини олдини олиш тўғрисида”ги 64–сонли буйруғининг мазмун мохияти,унда белгиланган масалалар ва талаблар ҳақида тушинтириш ишларини олиб борилди.Йиғилиш давомида поликлиника тиббиёт ходимлари билан ОИВ-инфекцияси /ОИТС ҳақида савол жавоблар бўлиб ўтди.

Автор Муҳаррир
15.05.2024 0

Урганч Давлат Университети техника факултети 4- курс талабалари ўртасида вилоят ОИТСга қарши курашиш маркази мутахассиси Б.Б.Ходжаханова томонидан ОИВ инфекцияси/ОИТС профилактикаси бўйича тарғибот тадбири ўтказилди. Иштирокчилар томонидан берилган саволларга жавоб берилди.

Автор Муҳаррир