Рубрика: Qiziqarli ma’lumotlar

21.01.2025 0

Uzoq muddatli yod yetishmasligi yurak, qon-tomir kasalliklariga sabab bo’ladi Yod salomatlik uchun zarur boʻlgan mikroelementdir. U miya rivojlanishi, oʻsish, yaralarning bitishi va normal metabolizm uchun zarur boʻlgan qalqonsimon bez gormonlari ishlab chiqarilishida muhim rol oʻynaydi. Qanday belgilar tanada yod yetishmasligini koʻrsatadi? ✈️Holsizlik, sustlik, charchoq hissi; ✈️Ortiqcha vazn; ✈️Soch toʻkilishi; ✈️Quruq teri; ✈️Yomon kayfiyat va tushkunlik; ✈️Doimiy sovuq qotish; ✈️Pulsning sekinlashishi, aritmiya; ✈️Oʻqish va xotira muammolari; ✈️Ogʻriqli yoki tartibsiz hayz koʻrish; ✈️Zaif immunitet; ✈️Shishish; ✈️Ich qotishi; ✈️Buqoq – qalqonsimon bez hajmining oshishi. Agar sizda ushbu belgilardan bir nechtasi uchrasa, endokrinologga murojaat qilishingiz zarur. Shifokor klinik va laboratoriya tekshiruvlari asosida tashxis qoʻyib, davo choralarini buyuradi. Tanadagi yod tanqisligini oldini olish uchun uni oziq-ovqat bilan tez-tez iste’mol qilish kerak. Qanday ovqatlarda yod elementi mavjud? ✔️dengiz oʻtlari; ✔️dengiz baliqlari; ✔️dengiz mahsulotlari; ✔️ozroq miqdorda sut, tuxum, kartoshka va boshqalarda. ✔️Har bir oilaning kundalik ratsionida yodlangan tuz boʻlishi shart. Uzoq muddatli yod tanqisligi yurak-qon tomir, suyak, ovqat hazm qilish tizimlaridagi oʻzgarishlar, semizlik, nevrologik kasalliklar, shuningdek, jismoniy va aqliy rivojlanishdagi ortda qolishliklarni keltirib chiqarishi mumkin. Shuning uchun yod tanqisligi belgilarini payqaganda, oʻz vaqtida shifokor bilan maslahatlashib, profilaktika bilan shugʻullanishingiz va yodga boy ovqatlar iste’mol qilishingiz kerak. ⚡️Sanepidqo‘mita Axborot xizmati

Автор Муҳаррир
16.01.2025 0

Gigiyenaga rioya qiling va qoʻlingizni mikroblardan asrang! Mikroblar hamma joyda mavjud — tuproqda, suvda, havoda, oziq-ovqatlarda, bizning tanamizda va terida. Ular zararsiz va zararli boʻlishi mumkin. Zararli mikroblar (patogenlar) turli infeksiyalarni keltirib chiqarishi mumkin, masalan: ichak infeksiyalari — dizenteriya, gepatit A, salmonelloz, rotavirus, enterovirus infeksiyasi va boshqalar; oʻtkir respiratorli infeksiyalar — adenovirus, gripp, koronavirus va boshqalar; arazitar kasalliklar — gijjalar – ostritsa, askarida, lambliya va boshqalar; yuqumli teri va zamburugʻli kasalliklari. Qoʻl yuvish — kasalliklarni oldini olishning eng oson va arzon usuli. Qoʻllarni sovun bilan yuvish — zararli mikroblarning inson tanasiga kirib, infeksiyaning kelib chiqishini oldini oladi. Qoʻllarni qachon yuvish kerak? ✈️Jamoat joylarida boʻlgandan soʻng. ✈️Ovqat pishirishdan oldin, pishirish vaqtida va keyin (ayniqsa, xom goʻsht bilan ishlagandan keyin). ✈️Ovqatlanishdan oldin. ✈️Hojatdan keyin. ✈️Burunni qoqqandan, yoʻtalgandan yoki aksirgandan keyin. ✈️Jonzotlar bilan oʻynagandan yoki ularga qaragandan keyin. ✈️Chiqindilarga qoʻl bilan tekkandan keyin. ✈️Infeksiya belgilari boʻlgan odamlarni parvarish qilishdan oldin va keyin. ✈️Yara va jarohatlarni davolashdan oldin va keyin. ✈️Taglikni almashtirgandan oldin va keyin hamda bolalar tuvagini tozalagandan soʻng. ✈️Kir kiyimni ushlagandan soʻng. ✈️Kimyoviy va tozalash vositalari bilan ishlagandan keyin. ✈️Pulni ushlagandan soʻng. ✈️Kontakt linzalarni taqish yoki olib tashlashdan oldin. ✈️Qoʻllaringiz iflos ekanligini payqaganingizda. ❓Qoʻllarni qanday yuvish kerak? Koʻpchilik qoʻllarini notoʻgʻri yuvadilar: sovundan foydalanmaydilar, yoki qoʻllarini qisman (faqat barmoq uchlarini) yoki chala yuvadilar. Qoʻllarni togʻri yuvish uchun: ✔️qoʻlingizni suv ostida xoʻllang; ✔️qoʻllarni sovunlab, barcha yuzalarini, shu jumladan kaftlarning orqa tarafi, barmoqlar orasi va tirnoq ostini kamida 40-60 soniya davomida yaxshilab ishqalang; ✔️qoʻllarni suv bilan chayib tashlang; ✔️qoʻllarni toza, quruq sochiq yoki qogʻoz salfetka bilan yaxshilab quriting. ⚡️Sanepidqo‘mita Axborot xizmati

Автор Муҳаррир