Category: Uncategorized

February 21, 2026 0

Ўзбекистон Республикаси Вазирлар Маҳкамасининг “Ўзбекистон Республикасида одам иммунитет танқислиги вируси инфекцияси тарқалишига қарши кураш бўйича ёшлар фаоллигида олиб бориладиган тизимли тарғибот тадбирлари концепциясини тасдиқлаш тўғрисида”ги 2022 йил 21 февралдаги 84-сонли қарори ҳақида, шунингдек Хоразм вилоят хокимининг 28.02.2022 йилдаги 90-12-0-Q/22-сонли қарори ва 2022 йил 05 февралдаги 4-670 сонли Ўзбекситон Республикаси Президентининг “Инсон қадрини улуғлаш ва Фаол махалла йили”да амалга оширишга оид дастури тўғрисидаги нутқи юзасидан вилоятнинг барча ахоли қатламлари ўртасида ОИВ инфекциясини тарқалишини олдини олиш борасида ўтказиладиган тарғибот-ташвиқот ишлари бўйича вилоят ОИТСга қарши кураш маркази томонидан хамкор ташкилотлар билан биргаликда 2022 йил давомида олиб борилган чора-тадбирлар қўшма режасига асосан 2022 йил 10 март куни Хазарасп тумани “Хазарасп Универсал савдо комплекс» МЧЖ вилоятда ОИВ инфекцяиси олдини олиш мақсадида тарғибот ва акция ишлари олиб борилди, бунда 50та буклетлар ва ОИВ инфекциясига ихтиёри равишда эксперсс тахлиллари ўтказилиб 30 нафар фуқаро ОИВ га инфекциясига текширилди, профилактик ишлар вилоятнинг барча шахар ва туманларида давом эттирилади.

By wpadmin

РубрикаМарказ янгиликлари

February 21, 2026 0

💐 CОҒЛИҚНИ САҚЛАШ ВАЗИРИНИНГ ТИББИЁТ ХОДИМЛАРИГА БАЙРАМ ТАБРИГИ ❗️Ҳурматли тиббиёт ходимлари! Буюк Ибн Сино издошлари! Халқ саломатлиги йўлида сидқидилдан меҳнат қилиб келаётган Сиз, азиз ҳамкасбларимни юртимизда кенг нишонланаётган Тиббиёт ходимлари куни билан самимий муборакбод этаман. Ушбу байрам ҳар йили мамлакатимиз миқёсида нишонланиб, бу кунда соҳада салмоқли натижаларга эришган тиббиёт ходимлари давлатимизнинг нуфузли мукофотлари билан тақдирланиши эзгу анъанага айланиб улгурди. (https://telegra.ph/file/bb415a5174035459991a0.png) Барчамизга яхши маълум, миллий тиббиётимиз кўплаб синовлар, мураккаб шароитлардан ўтиб, бугун соҳада мутлақо янги трансформация жараёнлари кечмоқда. Таъбир жоиз бўлса, Ўзбекистонда тиббиёт трансформацияси узоқ муддатга мўлжалланган стратегия, умуммиллий лойиҳа даражасида муҳим аҳамият касб этмоқда. Ушбу лойиҳани амалга оширишдаги энг катта куч, шубҳасиз, Cиз — малакали шифокорлар, маҳоратли устозлар, меҳрибон ҳамширалар ҳисобланасиз. Ҳурматли Президентимиз Шавкат Мирзиёевнинг соҳага қаратаётган юксак эътиборига “лаббай” деб жавоб беришимиз, халқимиз саломатлигини сақлаш, уларни тизимдан рози қилишимиз учун барча шароитлар муҳайё қилинмоқда. ❗️Азиз шифокорлар! Бугун соғлиқни сақлаш тизимидаги улкан ўзгаришларни ҳаммамиз ич-ичимиздан ҳис қилиб турибмиз. Бир неча йил олдин фақат ўзаро мулоқотлардагина халқаро тажрибада тиббий суғурта тизимининг юқори натижалари ҳақида суҳбатлашишимиз мумкин эди. Мана, ҳозирда давлат тиббий суғуртаси механизмлари тиббиётимизга шиддат билан жорий қилинмоқда. Соғлиқни сақлаш тизимини рақамлаштириш, инновацион даво усулларини жорий этиш, “электрон поликлиника” тизимининг соҳага татбиқ қилиниши тиббиёт ходимларини ортиқча қоғозбозликдан, беморларни эса турли оворагарчиликлардан халос этмоқда. Мен ишонч билан айтишим мумкин, бугун ўзбек шифокорлари ҳар қандай мураккаб, юқори технологияли амалиётларни бемалол бажаришга қодир! Сўнгги йилларда хирургларимиз томонидан янги туғилган чақалоқларда ўтказилаётган ноёб амалиётлар, сиам эгизакларини ажратиб олиш операцияси, турли мураккабликдаги кардиохирургик амалиётлар, буйрак, жигар ва ўзак ҳужайралари трансплантацияси ва робот хирург ёрдамида амалга оширилаётган онко-жарроҳлик операциялар фикримиз исботи бўла олади. Дунё ҳамжамияти ўзбек тиббиёти эришаётган ютуқларни тан олмоқда. Хусусан, мамлакатимизнинг силга қарши кураш бўйича тажрибаси яна бир бор Жаҳон соғлиқни сақлаш ташкилоти доирасида юксак баҳолангани фаолиятимизга берилган халқаро даражадаги эътирофдир. ✅ Шу йилнинг сентябрь ойида Ўзбекистон Бирлашган Миллатлар Ташкилоти Бош Ассамблеясининг сил касаллиги бўйича юқори даражадаги сессиясига раислик қилиши ушбу эътирофнинг юксак намунасидир. Бирлашган Миллатлар Ташкилотининг ушбу нуфузли анжуманида мамлакатимиз соғлиқни сақлаш тизимида амалга оширилаётган кенг кўламли ислоҳотлар ҳақида маъруза қилиш, вазир, қолаверса, тиббиёт соҳасининг бир вакили сифатида менга чексиз ғурур бағишлади. ❗️Қадрли ҳамкасблар! Одамлар бирор хасталикдан дард чекса, жони оғриса, энг аввало, кимдан нажот кутади? Албатта, кечаю кундуз ёрдамга шай, ўз касбига, қасамёдига содиқ тиббиёт ходимларидан! Буюк олим Гиппократ: “Табобат – барча илм ва ҳунарлар ичида энг қийини ва шарафлиси”, деганда нақадар ҳақ эди. Халқимиз тиббиёт ходимларини дунёдаги энг улуғ касб эгалари, фидойи инсонлар сифатида билади ва машаққатли меҳнатини юксак қадрлайди. Бу эса, сизу-бизга катта масъулият юклайди. Тилагим, шу халқ, шу Ватан учун чин дилдан хизмат қилиш, элнинг меҳрига сазовор бўлиш шу миллат фарзанди сифатида барчамизга насиб этсин! Сизга узоқ умр, сиҳат-саломатлик, оилавий хотиржамлик, файзу барака тилайман. Байрамингиз муборак бўлсин! Амрилло Иноятов, Соғлиқни сақлаш вазири.

By wpadmin

РубрикаMarkaz yangiliklari

February 21, 2026 0

Тошкент Тиббиёт Академиясининг Урганч филиали 2 курс талабаларга Вилоят ОИТСга қариш кураш маркази поликлинка врач психоневропатолог М. Бабажанов томонидан ОИВ инфекциясини эпидемиологияси, этиологияси, диагностикаси, даволаш усуллари ва профилактикаси хақида маъруза қилди ва ОИВ инфекциясини тарқалишида Гиехвандликни роли хақида гапириб ўтди.

By wpadmin

РубрикаМарказ янгиликлари

February 21, 2026 0

Хоразм вилоят Соғлиқни сақлаш бошқармасининг 2022 йилнинг 9 августдаги 2/3540 сонли кўрсатма хати ҳамда вилоят ОИТСга қарши кураш марказининг 2022 йилнинг 10 августдаги 119-И сонли буйруғига асосан 2022 йилнинг 9 сентябр куни Хива шаҳар “Нуриллабой” истирохат боғида барча вилоят даволаш профилактика муассасаларининг мутахассислари томонидан Хива шаҳар ва туман аҳоли орасида тиббий кўрик ўтказилди, ушбу тадбирда марказ мутахассислари хам иштирок этиб аҳоли орасида ОИВ инфекцияси/ОИТСни олдини олиш бўйича санитария тарғибот ишлари олиб борилди ва тарқатма материаллар тарқатилди. Ахоли ўртасида 119 та ихтиёрий равишда экспресс тест “аноним” тарзда ОИВга текширилди ва тестдан олдинги ва кейинги маслахатлар берилди.

By wpadmin

РубрикаМарказ янгиликлари

February 21, 2026 0

Шовот туман «Иштимоят» қишлоқ 9-сонли умумий ўрта таълим мактаб ўқувчилари ўртасида ОИВ инфекцияси профилактикаси мавзусида тарғибот ишлари ўтказилди. Қатнашчиларни қизиқтирган саволларга жавоблар берилди. Мавзуга оид буклетлар ва эслатмалар тарқатилди.

By wpadmin

РубрикаMarkaz yangiliklari

February 21, 2026 0

Ўзбекистон Республикаси Вазирлар Маҳкамасининг “Ўзбекистон Республикасида одам иммунитет танқислиги вируси инфекцияси тарқалишига қарши кураш бўйича ёшлар фаоллигида олиб бориладиган тизимли тарғибот тадбирлари концепциясини тасдиқлаш тўғрисида”ги 2022 йил 21 февралдаги 84-сонли қарори ҳақида, шунингдек Хоразм вилоят хокимининг 28.02.2022 йилдаги 90-12-0-Q/22-сонли қарори ва 2022 йил 05 февралдаги 4-670 сонли Ўзбекситон Республикаси Президентининг “Инсон қадрини улуғлаш ва Фаол махалла йили”да амалга оширишга оид дастури тўғрисидаги нутқи юзасидан вилоятнинг барча ахоли қатламлари ўртасида ОИВ инфекциясини тарқалишини олдини олиш борасида ўтказиладиган тарғибот-ташвиқот ишлари бўйича вилоят ОИТСга қарши кураш маркази томонидан хамкор ташкилотлар билан биргаликда 2022 йил давомида олиб борилган чора-тадбирлар қўшма режасига асосан 2022 йил 14 март куни Хазарасп тумани Педагогика коллежи, 1-сон касб хунар мактаби, 1-сон Ихтисослаштирилган мактаб интернатида ОИВ инфекцяиси олдини олиш мақсадида тарғибот ишлари олиб борилди, бунда 50та буклетлар тарқатилди. Профилактик ишлар вилоятнинг барча шахар ва туманларида давом эттирилади.

By wpadmin

РубрикаМарказ янгиликлари