Month: February 2026

February 21, 2026 0

Нонуштани аҳамияти. Мутахассислар кунлик таомланишни 25%—40% ини нонушта ташкил қилиш кераклигини тавсия қилади. Мевалар, сабзавотлар, тўлиқ донли донлар, сут маҳсулотлари, тухумлар ва ёғсиз гўштлар нонушта учун энг яхши вариант. Мактаб ўқувчилари, талабалар ва илмий ходимлар мияни фаоллаштирувчи глюкоза манбаи бўлган углеводларга бой нонушта қилишлари керак. Аммо, жисмоний юклама билан ишлайдиган одамлар учун оқсилли егуликлар куч ва қувват беради. Сут, тухум, гўшт рационда муҳим маҳсулотлардир. Клетчаткага бой маҳсулотлар узоқроқ вақт давомида ўзингизни тўқ ҳис қилишингизга ёрдам беради ва шунинг учун барча нонушталарда тавсия қилинади. Нонуштани яна бир қизиқ хусусияти шундаки, нонушта қилмаслик тана вазни камайишига олиб келмайди. Аксинча, эрталабки овқатдан воз кечган одамларда метаболизм секинлашади.

By wpadmin

РубрикаМарказ янгиликлари

February 21, 2026 0

Ичакларни тозалаб туриш керак! Қатиқ ва гречка уни ичак ва қон томирларни тозалайди, метаболизмни ва ошқозон ости бези ишини нормаллаштиради, қондаги глюкоза миқдорини пасайтиради. Қон томир ва ичакларни тозалаш учун рецепт: — бир ош қошиқ гречкани ун ҳолатига келгунича кофе майдалагичда майдаланилади. — гречка унини бир стакан кефирга қўшиб, музлатгичга қўйилади. 🥛 Ерталаб овқатдан ярим соат олдин, ҳона ҳароратига кирганда, стаканни тўлиқ ичилади. Ушбу курс давомийлиги 14 кун.

By wpadmin

РубрикаМарказ янгиликлари

February 21, 2026 0

Ифторликда қандай таомланиш тавсия этилади? Жаҳон соғлиқни сақлаш ташкилоти томонидан Рамазон ойида соғлом овқатланиш бўйича эълон қилинган тавсиялардан ифторлик дастурхонига доир маслаҳатлар ҳам ўрин олган. Хусусан: ✅ Ифторлик чоғида соғлом ва меъёрида овқатланиб, қувватни тўлдириб олиш муҳим. Рўзани учта хурмо ёки сув билан очиш ифторликни бошлашнинг анъанавий ва соғлом йўлидир. ❗️Хурмо одам танасидаги кўплаб аъзоларнинг тўғри фаолият кўрсатишини таъминлайдиган клетчаткага бой озуқа. 🫙 АҚШдаги Cornell University мутахассисларининг ёзишича, овқатланишдан олдин сув ичиш танани суюқлик билан озиқлантиришнинг энг яхши йўлидир. ‼️Лекин рўзани очибоқ бирданига кўп сув ичиб юбормаслик лозим. Бу саломатлик учун хавфли ҳисобланган сув интоксикациясига олиб келиши мумкин. 🥕🥒 Организмни муҳим витаминлар ва озуқа моддалари билан таъминлаш учун ифторлик таомномасига кўплаб сабзавотларни қўшган афзал. 🫘 Шунингдек, организмни қувват ва клетчатка билан таъминлайдиган донли (янчилмаган ва тозаланмаган) маҳсулотларни истеъмол қилиш мақсадга мувофиқ. 🍗 Печда ёки грилда пиширилган ёғсиз гўшт, терисиз товуқ ва балиқ тановул қилиш орқали организмингизни соғлом оқсиллар билан бойитишингиз мумкин. 🚫 Умуман олганда, ёғ ва шакарга бой, қовурилган ҳамда қайта ишланган маҳсулотлардан тийилиш керак. ‼️Ифторликдан сўнг кўп ширинлик ейиш тавсия этилмайди. Бунинг ўрнига, сувга бой мавсумий мевалар, жумладан, олма истеъмол қилиш фойдали. 📌 Ифторлик учун ЖССТ тавсиялари: 🫕 уйда пиширилган сабзавотли шўрва; 🥗 сабзавот ва кўкатлардан тайёрланган салат; 🥙 қийма қўшилган сабзавотли таомлар (қовоқ, бақлажон, ток баргига ўралган дўлма); 🍖 печда пиширилган товуқ. ❗️Кўп миқдорда сув ичиш, таъмни яхшилаш учун таомга лимон бўлаклари ва ялпиз қўшиш мумкин. Соғлиқни сақлаш вазирлиги Матбуот хизмати.

By wpadmin

РубрикаМарказ янгиликлари

February 21, 2026 0

Вилоятисизда ОИВ инфекцияси таркалишининг бугунги кундаги асосий сабаблари! ТИББИЙ КЎРИКДАН ТЎЙДАН ОЛДИН ЎТИНГ! 23 мая 2023 от Xorazm tibbiyoti-Медицина Хорезма ЖССТ маълумотига кўра, дунёда ҳар куни 7000 нафар, ҳар соатда 300 нафар шахсда ОИВ инфекцияси янгидан аниқланади. Албатта бу рақамларни айтиш осон, тил учидан чиқиб кетади. Аммо ҳар бир ҳолат ортида бир оила тақдири турибди. Юртимизда ОИВ инфекцияси билан касалланиш йилдан йилга барқарорлашиб, камайиб бормоқда. Бироқ, бу хотиржам бўлиш мумкин деганимас. Зеро, биргина ҳолат ҳам ташвишланарлидир. ОИВ инфекциясининг юқиш йўллари таҳлилларига кўра, 90-92 фоиз ҳолатда фуқаролар ОИВ инфекциясини жинсий алоқа йўли орқали юқтириб олмоқда. 18-20 фоиз беморлар турмуш ўртоқларидан, қолган 80 фоиз ҳолатда бетартиб жинсий ҳаёт кечириш оқибатида юқтириб олишган. Касалланишнинг асосий сабабларидан бири бу – ташқи миграция. Ўтган 2022 йилда аниқланган ҳолатларнинг 65 фоизи меҳнат миграцияси билан шуғулланиб келган аҳоли қатлами хисобига тўғри келади. ОИВ инфекцияси аниқланган шахсларнинг 78 фоизи Россия Федерациясида, 16 фоизи Қозоғистон Республикасида ишлаб келган. Ушбу фуқароларнинг бор- йўғи 30 фоизи мамлакатимизга  қайтиб келгандан кейин ОИВ инфекциясига тиббий текширувдан ўтган. Қолган 70 фоизида турли сабабларга кўра текширилиши давомида касаллик аниқланган. Эътибор беринг, бор- йўғи 30 фоизгина мигрант ўз вақтида мақсадли текширувдан ўтган. Ачинарлиси, ОИВ инфекцияси аниқланган мигрантларнинг 26 фоизи вирусни ўз турмуш ўртоқларига юқтириб улгурган. БМТ маълумотига кўра, ҳозирги кунда Россия дунё бўйича ОИВ инфекцияси тарқалиш тезлиги бўйича топ-5 ликка кирган (1-Жанубий Африка (14%), 2-Мозамбик (6.5%), Нигерия (4.9%), Индия (4.2%), Россия (3.9%)). Энди тасаввур қилинг, шу чет давлатдан бедаво дард, касаллик, олиб келиб азиз фарзандларимиз, турмуш ўртоғимиз ёки ота-онамизга юқтирсак, уларнинг умрининг охиригача етадиган муаммо яратсак! Албатта, буни ҳеч биримиз хоҳламаймиз! Бу масалада ҳам бир неча йиллардан буён тарғибот ишлари олиб бормоқдамиз. Натижада юртдошларимиз орасида никоҳланувчиларнинг тиббий кўригига эътиборли ота-оналар кўпайган. Бироқ, ҳали ҳам никоҳланувчиларнинг 18-20 фоизи тиббий кўрикдан тўйдан кейин ўтиш ҳолатлари кузатилмоқда. Ота-оналар фарзанди учун энг яхши танловлар қилади, уларниг бахти учун ҳар нега қодир. Нега энди айнан унинг келажаги билан боғлиқ, уларнинг бахти-саодати билан боғлиқ бўлган шундай нарсаларга беэътибор қоляпмиз?! Эпидемиологик мониторинг бўлими мудири — Дилшод Алламов

By wpadmin

РубрикаMarkaz yangiliklari

February 21, 2026 0

Вилоят ОИТСга қарши кураш марказининг 2022 йил 20 апрелдаги Ўзбекистон Республикаси Президентининг «Тиббиётдаги ислохатлар-қадри учун» мавзусидаги очиқ мулоқатда берган топшириқларининг ижросини таъминлаш тўғрисидаги 63-И-сонли буйруғини таъминлаш мақсадида, Гурлан тумани Янги Аср МФЙ, Нуробод МФЙ, Янгибоғ МФЙ, Шодлик МФЙ, Боғишамол МФЙ, Боғистон МФЙларда ЭМБ бош врач ўринбосари О.О.Очилов ва санитария врачи Э.Б.Эгамберганов томонидан ахоли орасида соғлом турмуш тарзи ва ОИВ инфекцияси профилактикаси бўйича тарғибот ишлари олиб борилди.

By wpadmin

РубрикаМарказ янгиликлари

February 21, 2026 0

Вилоят ОИТСга қарши кураш маркази ходимлари томонидан Тупроққалъа тумани Обод МФЙ, Яккачиқир МФЙ, 2-сон касб хунар мактаби ва Питнак марказий дехқон бозорида Соғлом турмуш тарзи ва ОИВ инфекциясини олдини олиш мақсадида тарғибот ишлари олиб борилди. Ахолидан ихтиёрий равишда бепул экспресс тест усулида ОИВ инфекциясига текширилди.

By wpadmin

РубрикаМарказ янгиликлари

February 21, 2026 0

Бугун Ҳазорасп туманида Ахборот ва оммавий коммуникациялар агентлиги Хоразм вилояти бошқармаси, Хоразм вилоят ОИТСга қарши курашиш маркази ва туман ҳокимлиги ҳамкорлигида Матбуот анжумани бўлиб ўтди. Матбуот анжуманида “Ҳазорасп туманида 2023 йилда ОИВ инфекциясини қайд қилиниши ва эпидемик вазияти”, “ОИВ инфекциясини олдини олиш борасида профилактик чора-тадбирлари ва таклифлар”, “ОИВ инфекциясини эрта аниқлашда олиб борилаётган ишлар ва муаммоли масалалар” мавзуларида маълумотлар берилди. Матбуот анжуманида туман ҳокими ўринбосари Б.Собиров, вилоят ОИТСга қарши кураш маркази бўлими мудири Д.Алламов, марказ ходимлари Ғ.Халимов, Д.Полванов, оммавий ахборот воситалари вакиллари ва блогерлар иштирок этди. Матбуот анжумани иштирокчилари ўзларини қизиқтирган саволлар бўйича мурожаат қилдилар ва керакли маълумотларга эга бўлдилар.

By wpadmin

РубрикаMarkaz yangiliklari