ОИВ инфекцияси қандай юқади? ОИВ инфекцияси касаллигининг бугунги кунда 3 хил юқиш йўли тасдиқланган бўлиб, юқиш йўллари — қуйидагича: ✅1. Жинсий йул орқали 🚻 — тасодифий химояланмаган жинсий алоқа вақтида; ✅2. Қон орқали (парентерал💉) — бир маротабалик тиббий анжомлар (щприц, система ва бошқ.) қайта ишлатилганда ёки кўп марта ишлатиладиган тиббий асбоб ва анжомлар зарарсизлантирилмасдан (стерилланмасдан) соғлом одамга ишлатилса, беморга текширилмаган ОИВ ифекцияси билан зарарланган қон ва унинг таркибий қисмлари қуйилганида, ОИВ инфекциясига чалинган беморнинг ички аъзолари бошқа беморга кўчирилиб (трансплантация) ўтқазилганда, беморларнинг тиш чўткаси, устарасидан умумий фойдаланилганда ва бошқа тери ҳамда шиллиқ қаватлар бутунлигини бузилиши билан кечадиган муолажалар олганда зарарсизлантирилмаган анжомлар ишлатилганда, гиёҳванд моддани томир ичига умумий битта щприцдан инъекция қилинганда юқиши мумкин; ✅3. Онадан — болага (вертикал 🚼) — ОИВ инфекциясини юқтириб олган ҳомиладор аёлдан ҳомилага (ҳомиладорлик даврида йўлдош зарарланганда), табиий туғруқ вақтида (турли хил микротравмаларда) ва чақалоқ туғилгандан сўнг она сути билан озиқлантиришда, сут орқали юқиши мумкин.
27.10.2023
